Sabon Tsarin Net Billing 2026: Masu Solar Za Su Iya Sayar Da Wutar Su Ga Hukumar Lantarki

Sabon Tsarin Net Billing 2026: Masu Solar Za Su Iya Sayar Da Wutar Su Ga Hukumar Lantarki

Hukumar Kula da Wutar Lantarki ta Kasa ta ƙaddamar da wani sabon tsari mai suna Net Billing Regulations 2026, wanda zai bai wa masu amfani da tsarin solar damar tura rarar wutar da suka samar zuwa cibiyar lantarki tare da samun kuɗin ta.

A cewar hukumar, an ƙirƙiri tsarin ne domin ƙarfafa amfani da makamashi mai sabuntawa, musamman hasken rana, rage matsalolin rashin wutar lantarki, da kuma jawo ƙarin masu zuba jari a fannin samar da lantarki.

Domin shiga cikin tsarin, dole ne mutum ya kasance yana amfani da wutar lantarki daga kamfanin rarraba wuta, yana da tsarin solar da ya cika ƙa'idojin da aka gindaya, sannan ya samu amincewar kamfanin rarraba wutar lantarki da ke yankinsa.

Haka kuma, za a girka masa na'ura ta musamman (bidirectional meter) wadda za ta rika ƙididdige yawan wutar da yake karɓa daga cibiyar lantarki da kuma wutar da yake mayarwa domin a tantance adadin kuɗin da zai samu.

🌐 www.zakinsolarnews.com.ng⁠�

⚡ ZAKIN SOLAR NEWS – Karfi Daga Hasken Rana